Kolegji i Posaçëm i Apelimit ka lënë në fuqi vendimin e shkarkimit për prokurorin Arben Nela.
Vendimi për prokurorin Nela është marrë ditën e sotme, ku relatorë ishin Rezarta Schuetz dhe Natasha Mulajn
Arben Nela, ankimoi vendimin e KPK të marrë më 23 korrik të vitit shkuar. “Ky vendim është përfundimtar, me efekt të menjëhershëm”, thuhet në njoftimin e KPA-së, çka do të thotë se Nela përfundimisht ka humbur mundësinë për të qenë pjesë e institucioneve të drejtësisë.
Komisionit të Pavarur të Kualifikimit , gjatë verifikimeve të kryera ndaj prokurorit të Tiranës Arben Nela, konstatoi parregullsi në deklarimin e pasurisë së tij duke fshehur dhe burimin e të ardhurave.
Po ashtu, Nela ishte gjetur në shkelje të ligjit dhe nga Inspektorati i Lartë i Deklarimit dhe Kontrollit të Pasurive e Konfliktit të Interesit (ILDKPI).
Pas këtyre konstatimeve prokurori u mbrojt duke thënë se pasaktësitë dhe mos deklarimet e pasurisë nuk kanë pasur qëllim fshehjen e tyre.
Kujtojmë që, Nela filloi punë si prokuror në Prokurorinë e Fierit në vitin 1998. Ai u transferua në Durrës në vitin 2006, ndërsa në vitin 2008 u transferua në Tiranë, ku mbante postin e zëvendësprokurorit./ Opinion.al E.Xh.
