Një shqiptare është dënuar me gjobë 30 mijë euro pasi ka refuzuar të heqë burkën gjatë një aktiviteti në Itali, ku dhe jeton. Gazeta italiane “il Giornale” shkruan se gruaja 40-vjeçare para një muaj, së bashku me djalin e saj, kishin marrë pjesë në një aktivitet të organizuar nga Komuna San Vito al Tagliamento. Shqiptarja kishte shkuar e mbuluar tërësisht me veshjen e zezë myslimane.
Kryetari i Komunës ka kërkuar që ajo të zbulojë fytyrën, por gruaja shqiptare ka refuzuar. Kështu kryetari i komunës ka bërë një padi në gjykatë, ku ajo u dënua me katër muaj burgim dhe një gjobë prej 600 eurosh. Por, më pas Gjykata e Apelit ka vendosur ti lërë vetëm dënimin me gjobë prej 30 mijë eurosh.
