Presidenti turk, Rexhep Tajip Erdogan do i kthehet aktiviteteve të zakonshme pasi u ndje keq gjatë një transmetimi live. Ai ka anuluar vetëm programin e të enjtes por do të marrë pjesë në aktivitete përmes lidhjeve live.
Sipas një deklarate të Partisë në pushtet për Drejtësi dhe Zhvillim (AK Parti), Erdogan do të marrë pjesë në dorëzimin e parë të karburantit për Uzinën Bërthamore Akkuyu, përmes një lidhjeje video ndërsa Drejtoria e Komunikimeve hodhi poshtë pretendimet se ai ishte në një gjendje të rëndë shëndetësore.
“Gjendja shëndetësore e presidentit është vërtet e mirë. Ne jemi vazhdimisht në kontakt me të”, tha nënkryetari Fuat Oktay, duke shtuar se Erdogan do të vazhdojë të kryejë detyrat.
Drejtoria Presidenciale e Komunikimeve hodhi poshtë gjithashtu pretendimet se presidenti kishte pësuar një atak në zemër.
Një deklaratë e postuar nga dega e drejtorisë theksoi se pretendimet e bëra nga disa llogari në mediat sociale se presidenti kishte kaluar një atak në zemër dhe ishte shtruar në spital nuk janë të vërteta.
