Një turist ka dëmtuar një pikturë të shekullit të XVII, teksa ka qenë në një ekspozitë të Uffizi-t në Itali.
Sipas Corriere della Sera, mësohet se teksa ka qenë në vëzhgim të pikturave, turisti ka rënë mbi njërën prej tyre duke e dëmtuar atë tërësisht.
Piktura “Ferdinando de Medici” e dëmtuar nga turisti, është vepër e vitit 1690 nga Anton Domenico Gabbiani.
Vepra mbahet në Palazzo Pitti, por ishte shfaqur në Uffizi për shkak të ekspozitës.
Kjo pikturë ka qenë një ndër më kryesorët e ekspozitës, teksa dhe reklamimi i eventit në faqen zyrtare në internet bëhej me hapjen e kësaj pikture.
Por pas incidentit, vepra është dëmtuar rëndë, pasi ka një prerje në mes, duke prishur kështu bukurinë karakterizuese.
