Një 62-vjeçar ka humbur jetën pasi është rrëzuar aksidentalisht gjatë punës.
Uniformat blu bëjnë me dije se kanë nisur procedimin në gjendje të lirë për shtetasin H. H., 74 vjeç, banues në Sarandë.
Sipas informacioneve dyshohet se shtetasi E. K., 62 vjeç është rrëzuar aksidentalisht në hotelin në pronësi të 74-vjeçarit, gjatë procesit të punës.
Si pasojë e incidentit 62-vjeçari ka humbur jetën për shkak të dëmtimeve të marra.
“Nga specialistët u referuan materialet në Prokurori ku nisi procedimi në gjendje të lirë për shtetasin H. H., 74 vjeç, banues në Sarandë, pasi dyshohet se për shkak të shkeljes së rregullave të mbrojtjes në punë, në hotelin në pronësi të tij, gjatë procesit të punës, është rrëzuar aksidentalisht shtetasi E. K., 62 vjeç, i cili për shkak të dëmtimeve të marra, ka humbur jetën”, tha policia.
Vijon puna për dokumentimin e plotë ligjor të këtij rasti./Opinion.al
