Një incident ka ndodhur mbrëmjen e sotme në afërsi të një hoteli te Mali i Robit, pasi një turiste polake ka ndërruar jetë.
Mësohet se turistja polake 83-vjeçare me iniciale L.M. ka marrë dëmtime pasi është rrëzuar aksidentalisht në trotuar dhe ka ndërruar jetë në spital.
“Më datë 03.06.2023, në afërsi të një hoteli te Mali i Robit, është rrëzuar aksidentalisht në trotuar shtetasja polake L. M., 83 vjeçe.
Si pasojë e dëmtimeve të marra 83-vjeçarja ka ndërruar jetë në spital.”, tha policia.
Grupi hetimor po punon për sqarimin e plotë të rrethanave të ngjarjes./Opinion.al
