Alban Semaku, ose i njohur ndryshe si Elton Mermali, ish-anëtari i bandës së Lushnjes u gjet i pajetë ditën e djeshme në Peqin, në afërsi të lumit Shkumbin, në lagjen ‘Çezma.
Ndërkohë të tjera detaje janë zbuluar nga nngjarja e rëndë. Sipas ekspertizës, 38-vjeçari është qëlluar me tre plumba të kalibrit 9 mm, tre në shpinë dhe një në kokë.
News 24 mëson gjithashtu se anëtari i bandës së Aldo Bares dyshohet se është rrëmbyer, pasi kishte dalë nga shtëpia pak pas orë 19:00 të së shtunës në Lushnje.
Rrëmbimi dyshohet se është bërë nga të paktën tre persona, ende te pa identifikuar nga policia.
Ata dyshohet ta kenë ekzekutuar në një fshat të Lushnjës dhe më pas kufomën e kanë transportuar dhe hedhur në një zonë të pabanuar në periferi të Peqinit.
Policia po punonpër identifikimin dhe kapjen e ekzekutorëve të 38-vjeçarit Elton Semaku (Mermali).
Deri më tani janë shoqëruar disa persona të dyshuar si të implikuar në vrasjen e 38-vjeçarit Semaku.
