Një shqiptar është arrestuar nga policia italiane pasi tentoi tu rrëmbente dy prindërve italianë, vajzën e tyre katër vjeçare.
Ngjarja ndodhi në sheshin “Gesu”, në Viterbo, ku vajza ishte për dore me dy prindërit e saj italianë, duke ecur në shëtitore. Në një moment vajza shkëputi duart nga prindërit dhe për një kohë të shkurtër, ata panë se atë po e mbante për dore një burrë.
Të alarmuar ata njoftuan policinë, ndërkohë që një nga prindërit u sul ta bllokonte vetë shqiptarin që po ecte me vajzën e vogël.
“Ai po e mbante për dorë me qëllim ta rrëmbente e të ikte bashkë me të” shkruan media lokale.
Policia ndërhyri menjëherë dhe ndaluan shqiptarin.
