Agostin Marku, nënkryetar i Këshillit të Qarkut të Lezhës (më herët ka qenë deputet i PS) ka reaguar ashpër ndaj policisë dhe politikës. Ai është dhunuar dy ditë më parë në qytetin e Lezhës nga dy nipat e ish-deputetit Arben Ndoka por policia nuk i ka kapur autorët. Reagimi i tij erdhi pas deklaratës së Berishës në “Studio e Hapur”, i cili tha se “Z.Marku ka frikë të denoncojë në polici”.
Përmes një SMS-je, Marku thotë policia nuk i kap autorët dhe media nuk e raporton drejt lajmin.
Më poshtë reagimi i plotë
Më thanë se Sali Berisha dje në mbrëmje në studion Tuaj ka thënë se unë nuk mund të denoncoj incidentin. Më vjen keq por unë autorët i kam denoncuar në moment me emër e mbiemër por është policia e Saliut dhe Edit së bashku që nuk duan ti kapin dhe media në tërësi që ka frikë të thotë të vërtetën. Ato më kanë dalë para me armë në mesin e qytetit dhe biles kanë gjuajtur dhe nuk janë thjeshtë grushta dhe shqelma apo zënkë e momentit siç e jep media. Faleminderit
