E ftuar në emisionin ‘Xing me Ermalin’ këngëtarja e njohur Enca i është përgjigjur jo vetëm pyetjeve të moderatorit Ermal Mamaqi, por edhe atyre të publikut të bëra nëpërmjet rrjetit social Facebook. Njëra prej pyetjeve ishte: “Çfarë ke menduar kur Alma lloi të të kritikonte tek ‘The Voice’? a e ke sharë?” ishte një nga pyetjet e fansave për këngëtaren.
Vite më parë, kur ishte adoleshente, Enca ka konkurruar në ‘The Voice of Albania’ “Është një histori e lezetshme për tu treguar. Mua më vjen mirë që ‘The Voice’ së fundmi shprehet krenar që Enca ka dalë nga aty” tha këngëtarja. “Është e tmerrshme se si ka shumë trajnerë në industri të ndryshme, si përshembull edhe futbolli që një individi i thonë ‘ti nuk do bëhesh asnjëherë’ dhe ai/ajo bëhet ndër më të suksesshmit më vonë,” shtoi moderatori, shkruan xing.al
“Jo nuk është e tmerrshme. Ky është rasti që unë do të doja t’i thoja fansave të mi, sidomos atyre që janë më të vegjël, që të mësojnë prej meje sepse unë prapë se prapë e konsideroj pozitive eksperiencën në ‘the Voice’. Nuk kam asnjë hatërmbetje, por pavarsisht se nuk kam asgjë me ta, hakmarrja më e mirë është gjithmonë suksesi”, tha Enca.
