Futbollistët e Napolit janë gjobitur 20 ditë pasi ata u rebeluan kundër klubit duke mos pranuar grumbullimin e detyruar 1-javor që ishte vendosur nga Presidenti Aurelio De Laurentis.
“La Gazzetta dello Sport”, shprehet se klubi i ka gjobitur futbollistët me 25% të rrogës, përveç brazilianit Allan, i cili do të paguajë 50% të rrogës sepse pati një konflikt të ashpër me djalin e Presidentit dhe Malcuit, i cili nuk gjobitet pasi nuk ka qenë në dhomat e zhveshjes në momentin e rebelimit, pasi është i dëmtuar prej disa javësh.
Sipas informacioneve, Allan është përplasur fizikisht me me djalin e Presidentit dhe për këtë arsye do t’i mbahen 200 000 euro nga paga e muajit tetor. Të gjitha gjobat do të shkojnë rreth 2,5 milionë euro./ Opinion.al
