Dy vëllezërit Astrit Bilali dhe Brahim Bilali u ekzekutuan sapo dolën nga banesa e tyre. Ndaj tyre është qëlluar me breshëri automatiku, ndërsa kanë marrë më shumë se 10 plumba.
Më pas autorët janë larguar me një automjet, i cili është gjetur i djegur në zonën e Livadhëve.
Astrit Bilali, 60 vjeç është babai i Asmer Bilalit, i arrestuar si pjesë e grupit Bajri. Asmer Bilali ra në qendër të mediave kohë më parë kur mbeti i vrarë Arjan Ferracaku teksa kalëronte në resorin e tij.
Ferracaku dhe Asmer Bilali ishin të afërt dhe dilnin shpesh për hipizëm pasi ishin të apasionuar. Asmer Bilali ishte i pranishëm në momentin e ekzekutimit të biznesmenit Ferracaku me breshëri plumbash.
Ai është ish-kampion boksi, emër i njohur i sportit në Shkodër. Në vitin 2012 ai ishte boksieri i vetëm nga katër shqiptarët që arriti të kualifikohej në turneun kualifikues të Lojërave Olimpike “Londër 2012”.
29-vjeçari është person me precedentë të mëparshëm, pasi cilësohej si i dyshuari kryesor për plagosjen e 20-vjeçarit Hermes Beqiri në një nga lokalet e Shkodrës, ngjarje e ndodhur në vitin 2017./Opinion.al
