Pak orë më parë dy punonjës të Bashkisë Lezhë u bënë pre e një atentati pranë fshatit Tresh në Lezhë, kur nga një makinë u qëllua me breshëri armësh nga një makinë tjetër në lëvizje.
Mirel Ndoka dhe Edmond Mhilli, në dëshminë e tyre dhënë në Polici, mësohet se kanë thënë se janë qëlluar nga persona të paidentifikuar.
Në momentin e atentatit, Mirel Ndoka, punonjës i INUV në Bashkinë Lezhës tha se e parakaloi makinën e agresorëve me qëllim për t’i shpëtuar sulmit.
Ata thanë po ashtu se atentatorët e kishin qëlluar makinën e tyre në pjesën e gomave, ndërsa për ti shpëtuar plumbave të tjerë ata janë futur në një pikë karburanti deri në momentin kur ka mbërritur policia.
Lidhur mbi ngjarjen, Policia ka sekuestruar kamerat e sigurisë, duke shpresuar se do të ketë pamje të qarta të asaj çfarë ka ndodhur. Dl/ Opinion.al
