Është zbardhur dëshmia e Marklen Hakës, i cili ditën e djeshme mbeti i palgosur me armë zjarri në nofull në një atentat në hyrje të Niklës.
Haka, i cili njihet si anëtar i bandës së Niklës, dëshmon para grupit hetimor se në momentin që është qëlluar me armë në drejtim të tij, ai ak qenë duke udhëtuar me makinën e tij dhe se hyrje të Niklës kishte ndaluar për të përshëndetur djalin e xhaxhait.
Por, në momentin që kishte ndaluar nga një makinë që e kishte ndjekur dhe që edhe Haka e kishte kuptuar është qëlluar me armë zjarri 17 herë, ku një nga plumbat e preku në nofull.
“Isha me automjetin tim dhe sapo kam hyrë në rrugën e Niklës, aty kam ndaluar një moment pasi më ka folur dhe jam përshëndetur me djalin e xhaxhait tim. Në momentin që po qëndroja ndaluar, nga makina që kisha pas meje dhe që e kisha vënë re disa herë përmes pasqyrës, është qëlluar me armë drejt meje në një distancë të vogël. Mjetin pas meje e pashë disa herë kur po udhëtoja, por nuk e mendova se do më qëllonin”, mësohet të jetë shprehur”,- Haka.
Haka ndodhej brenda një makine tip “Golf 6”, dhe po kthehej nga Tapiza në drejtim të fshatit të tij në Nikël.
Mësohet se Haka është qëlluar me armë, tip automatik MP5 9 milimetërsh.Mësohet se drejt të riut është qëlluar 17 herë, pasi janë sekuestruar në vendngjarje 17 gëzhoja. Pavarësisht breshërisë së armës, fatmirësisht Haka mori vetëm një plagë në pjesën e nofullës dhe aktualisht ndodhet jashtë rrezikut për jetën.
