Ardian Çapja është qëlluar nga kodra e Krastës përballë shtëpisë së tij.
Gazetarja Klodiana Lala ka raportuar se burime nga prokuroria bëjnë të ditur se snajperisti ka qëndruar në kodrën e Krastës që ka fushë pamje nga dera e pasme e vilës së familjes Çapja.
Ai e ka ruajtur Ardian Çapjan dhe ka qëlluar një plumb nga snajperi model finlandez i cili mund të qëllojnë në distancë mbi 600 metra.
Pas goditjes, një automjet “Volswagen” ka ardhur nga drejtimi i Librazhdit, ka marrë snajperistin dhe kanë udhëtuar në drejtim të Fushë-Mbretit.
Aty ata i kanë vënë zjarrin makinës. Rezulton se makina ka qenë e vjedhur në Fushë-Krujë ndërsa targat kanë qenë të falsifikuara. Dyshohet se dy persona të tjerë kanë qenë duke i pritur me një makinë tjetër për të bërë edhe largimin e tyre.
Policia ende nuk ka bërë publik një emër si të dyshuar për ngjarjen ndërkohë janë sekuestruar kamerat e zonës përreth.
LEXO EDHE – Nga 2 atentatet e dështuara tek fotoja me Ramën, kush është Ardian Çapja
Ndërkaq, 55-vjeçari ndodhet në Spitalin e Traumës ku i është nënshtruar një ndërhyrjeje kirurgjikale.
Sipas mjekëve, Çapja ka marrë një plumb tejshpues i cili i ka hyrë në shpatull e i ka dalë në kraharor.
Ai i është nënshtruar një operacioni mjaft kompleks, pasi plumbi i ka prekur arterien e zemrës dhe ka pasur shumë humbje gjaku.
Mjekët e spitalit të Traumës thanse se plumbi gjithashtu ka prekur nervat e zemrës dhe gjendja është kritike, ndërsa do të jenë 3-4 orët në vijim që do përcaktojnë gjendjen e tij.
Ai ka marrë një plumb në shpatull por ka pësuar edhe një frakturë në kokë kur ka rënë pasi është qëlluar. /Opinion.al
