Policia e Shkodrës ka dhënë detajet e para lidhur me plagosjen me armë zjerri të ndodhur sonte rreth orës 22:10, në lagjen Dobraç.
Sipas policisë, shtetasi Dedë Planaj ështe qëlluar me armë zjarri në rethana ende të paqarta, nga ku ka mbetur edhe I plagosur.
Mësohet se 60-vjeçari ndodhet në spitalin e Shkodrës nën kujdesin e mjekëve.
Uniformat blu bëjnë të ditur se kanë ngritur pika kontrolli në hyrje e dalje të qytetit dhe vijon krehja e zonës me qëllim kapjen e autorit/ve.
Kujtojmë se më herët raportuam se 60-vjeçari ishte kushëri I Bardhok Planaj, i cili u ekzekutua mbrëmjen e 4 prillit të vitit të shkuar, teksa ishte në lëvizje me makinë pikërisht në të njëjtën lagje që u qëllua sot kushëriri i tij.
“Rreth orës 22:10, në lagjen “Dobraç” Shkodër, në rrethana ende të paqarta, është plagosur me armë zjarri shtetasi D.P. 60 vjeç banues në fshatin Shtoj i Vjetër, i cili ndodhet në Spitalin Rajonal Shkodër nën kujdesin e mjekëve.
Shërbimet e Policisë kanë ngritur pika kontrolli në hyrje – dalje të qytetit dhe vijon krehja e zonës me qëllim kapjen e autorit/ve.
Grupi hetimor nën drejtimin e Prokurorisë së Rrethit Gjyqësor Shkodër, po punon për identifikimin e autorit/ve zbardhjen dhe sqarimin e plotë të kësaj ngjarjeje”,-njofton policia./Opinion.al
