Ish-ministri gjerman Shëble në një intervistë për “Financial Times”, ka folur në lidhje me atentatin që u bë ndaj tij në vitin 1990, i cili e detyroi atë të jetojë në një karrige me rrota.
Shëble u qëllua me dy plumba në shtyllën kurrizore nga një person i sëmurë e skizofrenë. Pasi u qëllua ish-ministri gjerman ra në koma.
Ai rrëfehet se pasi iu komunikua se do të jetonte në karrige me rrota, kishte menduar që më mirë të kishte vdekur. Shëble shprehet se ka qenë vajza e tij e madhe Kristin, në atë moshë 19 vjeç, që nuk e kishte lënë asnjë moment vetëm, dhe që e bindi të mos dorëzohej.
Në intervistën “Financial Times”,ish-ministri gjerman i Financave përpos jetës së tij pas atentatit, foli dhe për krizën greke duke këmbëngulur se Athina duhej të kishte qëndruar 10 vjet jashtë zonës euro.
Shëble pranoi gjithashtu se kishte menduar dorëheqjen kur kancelarja gjermane Angela Merkel, kishte refuzuar propozimin e tij që Greqia të mos ishte më pjesë e zonës euro. “Nuk ishim gjithnjë dakord, tha ai duke iu referuar Merkel, por unë kam qenë gjithnjë besnik./Opinion.al. E.Xh./
