Detaje të reja kanë dalë lidhur me ngjarjen e ndodhur mbrëmjen e së martës në rrugën “5 maji” në Tiranë, ku u qëllua me armë zjarri në drejtim të një automjeti.
Sipas informacioneve mësohet se mjeti është gjetur i braktisur në vendin e ngjarjes nga patrullat e policisë që qarkullonin në zonë në kuadër të orës policore dhe pas verifikimeve të targës është konstatuar pronari, 24 vjeçari, Nardi Abazi.
24-vjeçari ka treguar para hetuesve se po lëvizte në zonë kur në drejtim të mjetit të tij është qëlluar me dy plumba, nga pjesa e përparme e xhamit të parë dhe më pas autorët janë larguar.
Klan news raporton se janë disa pista ku autoritetet po hetojnë. Ndonjë konflikt i mundshëm që mund të ketë patur 24-vjeçari në të kaluarën, pavarësisht se ky i fundit nuk rezulton të jetë ndaluar më parë dhe nuk ka precendent penal. Në lidhje me ngjarjen janë shoqëruar disa persona për t’u marrë në pyetje, por ende nuk ka të arrestuar./Opinion.al
