Zëvendëskryeministrja Belinda Balluku ka dalë nga SPAK pas rreth tre orësh. Për mediat, Balluku tha se është marrë në pyetje nga prokurorët për çështjen e inceneratorëve.
Ajo theksoi se tashmë është koha që kjo dosje të zbardhet plotësisht dhe të ndahet puna e ndershme nga abuzimet.
“Ishte një thirrje për dosjen 225 që është dosja e inceneratorëve. Duhet të jepja disa sqarime që besoj të kenë shërbyer në zbardhjen e kësaj dosje. Kjo dosje ka bërë pis të madh e të vogël dhe i ka ardhur koha të zbardhet të ndahet puna e ndershme nga abuzimi pafalshëm. Kjo është ndarja e re e pushteteve, drejtësia ka punën e saj, qeveria ka punën e saj dhe parlamenti punën e tij”,-tha Balluku.
