Kryeministri Edi Rama, ka reaguar pasi u prit me thirrjet dhe ovacionet “Rama ik” gjatë vizitës së sotme në Elbasan me rastin e Ditës së Verës.
Përmes një statusi në Twitter ai shkruan se kjo shfaqje vulgare është një tjetër shembull i degradimit të një opozite të cilën e ka cilësuar si demode.
“Kjo shfaqje vulgare është një tjetër shembull i degradimit të një opozite demode, e cila ka në krye një kukull në duart e Saliut&Ilirit, që duan sherr e përçarje, për të marrë peng Shqipërinë e drejtësinë! Keqardhje e madhe për #PD e kthye në vegël e dy hallexhinjve të drejtësisë!
Tash 20 vjet që vij në ditën e verës në Elbasan, s’kisha parë një turmë ulëritëse me flamuj partie, si ai automobili zhurmues i filmit “Koncert në vitin 36”! Dukeshin si 100 kopje të Ilir Metës, ndërsa Luli kishte parkuar makinën në korsinë e bicikletave e ishte fshehur mes tyre!”, shkruan Rama./Opinion.al
