9-vjeçarja nga Durrësi, Kejsi Prizrendi e humbi betejën për jetën. Ajo vdiq në një spital të Italisë pasi prej ditësh ndodhej në gjendje kome. Lajmin e hidhur e dhanë miq e të afërm në rrjetet sociale. Ata, që aq shumë u përpoqën për të mbledhur donacione për vogëlushen…
Eva Qorri Çela, një nga njerëzit që e ndoqi nga afër shëndetin e saj dhe fushatën humanitare shkruan:
“Nuk kam fjale. Ju luta zotit çdo sekonde per ty engjelli im, por zoti zgjodhi te te merrte prane tij! Shpirti po me dridhet nga dhimbja dhe duart po me dridhen. Isha e bindur qe do te shihja ne skenat me te mira ne bote zemra ime, sepse ishe shume e talentuar. Por jo, u desh kjo semundje e ndyre qe ti te fikeshe si flaka e qiriut. Keisi im, Rrufeja ime te kam zemer! Zoti vendosi te kete prane vetes.Rruge te mbare ne parajse engjell”.
Kejsi Prizrendi ishte prekur nga sindroma “Stevens–Johnson”, një sëmundje shumë e rrallë e lëkurës. Në fillim shfaqet në formën e gripit, por pastaj lëkura fillon të zhvishet dhe të formojë zona të dhimbshme.
Mësuesi i saj i baletit, Arian Plaku ka vendosur fjongon e zezë në profil. Ai ishte i pari që ndërmori një nismë për ta ndihmuar vogëlushen.
Të shumta qenë mediat që shkruajtën për Kejsin. Zërit të të afërmeve për ndihmë ju bashkuan shumë qytetarë por dhe personazhe të njohur të artit. Fatkeqësisht, as mjekësia italiane ku u kurua,as ndihmat financiare nuk e mbajtën dot në jetë Kejsin. /Opinion.al
*Video e muajit shtator: Shokët e klasë së Kejsit duke apeluar për ndihmë
