Drejtuesi 26-vjeçar i automjetit që shkaktoi aksidentin e rëndë një ditë më parë në aksin Levan-Qarr, rezultoi se ishte i dehur.
L.Dh., 26 vjeç, banues në fshatin Pishporo, iu bë testi i alkoolit pas aksidentit dhe sipas policisë, rezultoi se e drejtonte automjetin, në gjendje të dehur.
Nga ky aksident u dëmtuan lehtë shtetasi L. Dh. dhe 3 pasagjerë. Gjithashtu, ngordhën 37 bagëti të imëta.
“Në vijim të informacionit paraprak të dhënë mbrëmjen e djeshme, për një aksident rrugor të ndodhur në aksin “Levan-Qarr”, informojmë se specialistët e Sektorit të Policisë Rrugore të DVP Fier arrestuan shtetasin L. Dh., 26 vjeç, banues në fshatin Pishporo, sepse nga kryerja e testit të alkoolit, pas aksidentit, rezultoi se e drejtonte automjetin, në gjendje të dehur. Nga ky aksident u dëmtuan lehtë shtetasi L. Dh. dhe 3 pasagjerë. Gjithashtu, ngordhën 37 bagëti të imëta”,-njofton policia.
Materialet procedurale i kaluan Prokurorisë, për veprime të mëtejshme.
