Një prej dy punonjësve të karburantit, që u plagosën kur mori flakë autoboti në autostradën Durrës-Tiranë, ka humbur jetën paraditen e sotme.
Ngjarja e rëndë ndodhi ditën e premte, ku autoboti shpërtheu në flakë në një pikë karburanti në autostradën Durrës-Tiranë.
Ngjarja u regjistruar teksa autoboti shkarkohej në pikën e karburantit.
35-vjeçari, Evis Prendi ishte shtruar në spital prej dy ditësh, por humbi jetën si pasojë e shkallës së lartë të djegies që kishte pësuar.
Nga aksidenti, i plagosur mbeti edhe punonjësi tjetër i karburantit, një 20-vjeçar.
Sakaq, dyshohet se shkaku i shpërthimit mund të kenë qenë temperaturat e larta, si dhe një shkëndijë elektrike nga një automjet që ndodhej aty pranë.
