Kryetari i Kuvendit, Gramoz Ruçi si dhe ministri i Brendshëm, Sandër Lleshaj kanë vizituar në spitalin e Traumës, kryebashkiakun e Lushnjës, Fatos Tushe.
Ky i fundit, bashkë me sekretaren e tij, Erisa Qalliu mbetën të plagosur brenda ambienteve të Bashkisë nga një shpërthim me granatë.
Autor i ngjarjes së rëndë të mëngjesit të sotëm, dyshohet të jetë, ish shoferi i Tushes, Gëzim Saraçi, i cili mendohet se ka hyrë rreth orës 8 e 15 në zyrën e kryebashkiakut. Pas disa minutash debat me tone të larta, Saraçi ka hedhur granatën dhe është larguar nga zyra.
Raportohet se kryebashkiaku dhe sekretarja e tij ndodhen jashtë rrezikut për jetën. Ata morën mjekimin e parë në Lushnje dhe u nisën drejt kryeqytetit për një mjekim më të specializuar./Opinion.al
