Policia e Lushnjës bëri të ditur se ditën e sotme në bashkëpunim me Forcat e Ndërhyrjes së Shpejtë të Fierit, ka arrestuar pasi nuk iu bind urdhërit për të ndaluar shtetasin Julian Sulo. 37 vjeçari nga Lushnja lëvizte me një mjet të blinduar tip BMË, ndërsa u pikas nga Policia në lagjen “Gafurr Muço”. Lushnjari nuk iu bind urdhërit të policisë. Ai e braktisi makinën dhe u arratis në këmbë në rrugicat e qytetit, për tu kapur më pas nga FNSH e Fierit në lagjen “18 Tetori”. Në afërsi të mjetit të braktisur, këtij shtetasi iu gjet një pistoletë tip “Grand Poëer Q 100”. Po kush është Julian Sulo dhe përse ai u përpoq sot ti ikte policisë?
Julian Sulo apo i njohur ndryshe si “Juli i Pashakos” nuk është një emër i panjohur për Policinë.
Ai është një ndër personat e dyshuar për masakrën në Lushnjë, ku vitin e kaluar u ekzekutuan me breshëri kallashnikovi Jurgen Hoxha dhe Zamir Latifi, miq të nipit të Aldo Bares.
Julian Sulo u vetëdorëzua në polici, por u lirua më pas për mungesë provash.
Ndërkohë në vitin 2016, Julian Sulo u plagos në një pikë bastesh, në lagjen “Skënder Libohova”.
Në foto: Zamir Latifi dhe Jurgen Hoxha viktima të atentatit të Lushnjës/ Tetor 2017
