Teksa Policia e Shtetit e pezulloi nga detyra një tjetër video e nënkomisares Anisa Kostani është publikuar ne mediat sociale.
Në këtë video të hedhur story Kostani shfaqet duke udhëtuar me makinë ndërsa në sfond ka vendosur këngën e reperit Unikkatil.
“Un jom ma i mallkumi ma i paparashikumi, ai shqipja i pergjakshem qe mun e nal veq plumi, gjinja tash po vesin kush ke ti? Un jom viktori, un nashta deka per do vjet po tash u qova pi vorri hey,”- thuhët në tekstin e këgës.
Kostani u pezullua nga detyra me urdhër të drejtorit të Policisë së Shtetit, Gledis Nano, ndërsa ndaj saj ka nisur hetimi i thelluar.
Kostani, shpërtheu ditën e djeshme në rrjetet sociale me komente ofenduese ndaj gazetarëve.
Duke ju referuar artikujve të shkruar në media për ngjarjen në Elbasan, nënkomisarja iu drejtua gazetarëve ndërsa i bëri ata përgjegjës për një pasqyrim jo të drejtë të situatës me krimin në qytet.
Po ashtu ajo i cilësoi pseudogazetarë dhe të degjeneruar disa prej tyre, ndërsa shprehet se shkrimet e tyre nuk janë aspak profesionale, por një inat personal.
