Ka ndërruar jetë në spital 79-vjeçari që u përplas nga makina në qendër të Korçës. Policia bën me dije se automjeti tip “Benz”, me drejtuese shtetasen O. M., ka aksidentuar biçiklistin M. A., rreth 79 vjeç. I moshuari u dërgua në spital, por fatkeqësisht nuk mundi t’iu mbijetonte plagëve të marra.
Korçë/Informacion paraprak
Sot rreth orës 16:15, në bulevard “Republika”, Korçë, automjeti tip “Benz”, me drejtuese shtetasen O. M., ka aksidentuar biçiklistin M. A., rreth 79 vjeç, banues në Korçë, i cili u transportua për mjekim në spitalin e Korçës. Me drejtuesen e automjetit, po kryhen veprimet e mëtejshme procedurale. Grupi hetimor po punon për sqarimin e rrethanave dhe përcaktimin e shkaqeve të aksidentit.
