Shkoi për të peshkuar, por u gjend i mbytur në anë të shtratit të lumit.
Ky është fati i keq i një 77 vjeçari nga fshati Xibrakë, që u gjet I pajetë sot në brigjet e lumit Shkumbin.
Lajmi konfirmohet nga burime të Policisë së Elbasanit.
Njoftimi i Policisë
“Në fshatin Xibrrakë, në shtratin e lumit Shkumbin është gjetur i mbytur shtetasi N.P. 77 vjeç, banues në Elbasan”, njoftoi policia. Nga hetimet paraprake dhe deklarimet e familjareve, shtuan të njëjtat burime, rezulton se ky shtetas kishte shkuar për peshkim dhe për pasojë është mbytur. Nga këqyrja paraprake e kryer nga mjeku-ligjor nuk janë konstatuar shenja dhune.”
