Një gomone me 500 kilogramë marijuanë u kap në brigjet italiane ndërsa në pranga u vunë dy skafistë shqiptarë. Policia tha se lënda narkotike u kap në brigjet e Leçes dhe të arrestuarit janë me inicialet S.K. 45 vjeç dhe S.F. 34 vjeç të cilët akuzohen për ‘Trafik ndërkombëtar të drogës’. Droga përllogaritet që në treg të kapte shifrën e mbi 5 milionë euro.
Gomonia është identifikuar nga roja bregdetare italiane rreth orës 18.30 të pasdites së të shtunës. Pas një tentative të skafistëve për t’u shpëtuar ndjekjes së policisë italiane gomonia është ndaluar në brigjet e San Kataldos. Në gomonen e gjatë 7 metra dhe e pajisur me dy motora prej 200 kv janë sekuestruar rreth 500 kg marijuanë. Hetimet e policisë italiane vazhdojnë për gjetjen e bashkëpunëtorëve të dy skasfistëve shqiptarë në territorin italian. Dyshimet e para janë se lënda narkotike ishte nisur nga Shqipëria.
