Është kapur me 11 pushkë në automjet, në pikën kufitare të Torvanik në Kroaci një shqiptar nga Kosova. Siç raportojnë mediat kroate, ai po drejtonte një automjet që shërbente për transportimin e makinave, nga Kosova në Zvicër.
Pas kontrollit të hollësishëm të automjetit të dyshimtë, u zbuluan 11 armët me municionet përkatëse.
“Për shkak të dyshimit për kryerjen e veprës penale të posedimit, prodhimit dhe furnizimit të paligjshëm të armëve dhe substancave shpërthyese, Stacioni i Policisë Kufitare Tovarnik do të ngrejë një kallëzim penal kundër shoferit dhe pasagjerit”, shkruhet në mediat kroate.
