Një 32-vjeçare u hodh nga kati i gjashtë i pallatit dhe gjeti vdekjen në vend, paraditen e së dielës në qytetin e Durrësit, në lagjen numër 5.
Denada Zota përfundoi e vdekur në vend në trotuar. Ndërsa dhjetëra dëshmitarë u tronditën nga skena. Ndërkohë, policia nga ana e saj nuk ka dalë ende me version zyrtar rreth motivit apo nëse kemi të bëjmë me ngjarje aksidentale apo vetëvrasje.
“Nga të dhënat paraprake dyshojmë se kemi të bëjmë me një vetëvrasje. Vajza në gjendje të rënduar psikologjike i ka dhënë fund jetës, duke u vetëhedhur nga ballkoni. Ajo jetonte me familjarët e saj në një apartament në katin e gjashtë të një pallati”, thanë burime nga grupi hetimor .
Denada Zota jetonte me dy prindërit dhe vëllain e saj më të vogël, 27 vjeç. Kohët e fundit, 32-vjeçarja ishte mbyllur në vetvete. Duke bërë që gjendja e saj psikologjike të rëndohej. Prindërit e Denadës, gjatë marrjes në pyetje nga policia, kanë deklaruar se nuk ua priste mendja se situata do të arrinte deri këtu.
“Kohët e fundit kishte shfaqur gjendje të rënduar psikologjike. Por që nuk na merrte mendja se do të përfundonte duke u hedhur nga pallati. As e imagjinonim një fund të tillë për vajzën tonë”, është shprehur nëna e saj 61-vjeçare.
Familja e Denada Zotës kishte vite që ishte shpërngulur nga Dibra për të jetuar në qytetin bregdetar të Durrësit.
