Eshtë liruar nga salla e gjyqit shtetasi turk Muhammet Yasir Aydogmus, i arrestuar në portin e Durrësit dhe i gjykuar me akuzën e terrorizmit.
Gjykata e Durrësit ka rrëzuar kërkesën e prokurorisë për caktimin e masës së sigurisë “arrest me burg” duke vendosur që ai të gjykohet në gjendje të lirë.
Autoritetet turke kanë nxjerrë urdhër kërkimi ndërkombëtar për shtetasin Muhammet Yasir Aydogmus, pasi ndaj tij një gjykate në Stamboll ka caktuar masën “arrest me burg” për “pjesemarrje në organizate terroriste të armatosur”.
Prokuroria e Durresit kërkoi caktimin e masës “arrest me burg” për efekt ekstradimi. Por gjykata, pasi ka vlerësuar të ligjshem arrestin e kryer nga policia gjyqësore, ka vendosur lirimin e tij nga salla e gjyqit dhe gjykimin në gjendje të lirë.
Muhammed Aydogmus u ndalua pranë pikës së kalimit kufitar në Durrës së bashku me bashkëshorte 34 vjeçare dhe dy fëmijët.
