Futbollisti shqiptar Valon Berhami përpara 1 muaji bëri publike ndarjen nga partnerja e tij prej 12 vitesh Elena Bonzani, me të cilën ka edhe 2 fëmijë. Por pa kaluar shumë kohë nga kjo deklaratë, futbollisti që banon në Zvicër, ka nisur një lidhje të re me një skiatore bionde.
Mediat Zvicerane prej pak ditësh aludonin se Berhami mund të ishte në një lidhje me skiatoren Lara Gut dhe mesa duket një gjë e tillë është e vërtetë. Këtë e ka konfirmuar së fundmi vetë bukuroshja zvicerane, e cila në një postim në Instagram ka pranuar publikisht se është e dashuruar me Valonin.
“Këtë dimër kam zbuluar cila ishte hallka që mungonte dhe nuk kishte aspak të bënte me sportin: quhet dashuri. Me Valonin kam zbuluar forcën e të qenit dy dhe e të pasurit një person përkrah që të kap përdore e nuk të lë kurrë vetëm!”-shkruan Lara në postimin e saj në Instagram. Mësohet se dyshja është në një lidhje prej 3 muajsh, pasi që në dhjetor të 2017-ës, ata janë parë së bashku në Ferrarin e Berhamit e më pas duke bërë shopping në Barcelonë.
