Majlind Lila 42 vjeç me origjinë nga Burreli ka vrarë me armë zjarri vjehrrin dhe vjehrren e tij që banonin në një shtëpi private tek Unaza e Re (Astir). Krimi i rëndë ka ndodhur mëngjesin e së hënës rreth orës 06:00.
Viktima kanë mbetur Bujar Mata 63 vjeç dhe Valentina Mata 52 vjeçe. I vdekur ka mbetur dhe vetë autori i krimit i cili qëlloi veten.
Nga të dhënat e deritanishme mësohet se autori i krimit të rëndë kishte pak ditë që ishte kthyer nga Suedia. Ai ishte ndarë (divorcuar) me bashkëshorten, Nevila Mata dhe për këtë fajësonte prindërit e saj. Ndërsa Nevila ndodhet në azil në Suedi, Majlindi i porsa kthyer në Shqipëri është hakmarrë ndaj saj, duke i vravë nënën dhe babën.
Gjatë kqyrjes paraprake të vendit të ngjarjes, policia ka gjetur tre gëzhoja. Bujar Mata u gjet i vrarë në dhomën e ndenjes, ndërsa bashkëshortja e tij u gjet në korridorin e shtëpisë në përpjekje për t’ju larguar vrasësit.
Pas vrasjes së ish-vjehrrit dhe ish-vjehrrës së tij, mësohet se Majlind Lila ka goditur veten me thikë dhe më pas është hedhur mbi kangjella nga kati i dytë i banesës.
Shkaqet e ngjarjes janë ende të zbardhura plotsisht, por nga informacionet paraprake thuhet se konflikti mes autorit dhe ish-gruas së tij, Nevila Mata kishin lindur për një apartament të konfiskuar. Kjo i kishte detyruar ata të largohen jashtë vendit. Prej tre muajsh çifti jetonte në Suedi, ndërsa para dy ditësh autori Majlind Lila ishte kthyer në Shqipëri. Mëngjesin e sotëm ka trokitur në derën e ish-vjehrrëve dhe pas një debati verbal i ka lënë të vdekur të dy dhe më pas ka vravë veten. /Opinion.al
