Manchester City nuk arriti të shpallet kampion i Premier League përballë rivalëve të qytetit, dhe për teknikun e City-t Pep Guardiola disfata erdhi si pasojë e një nënvlerësimit të kundërshtarit.
“Nganjëherë keni momente të këqija, në dy ndeshjet e fundit kemi pasur momente dhe kundërshtari ka shënuar gola.Urime për Unitedin. Tani do të ngrihemi dhe do të jemi të guximshëm dhe do të përqendrohemi të martën. Pogban e përgëzova për rezultatin. Ne jemi një skuadër që kemi pranuar gola më pak dhe kemi dhënë më pak shanse për ekipet e tjera”.
“Unitedi nuk pati asnjë shans në pjesën e parë, por në pjesën e dytë ata patën dy shanse dhe shënuan dy gola. Pas kësaj ne i mposhtëm ata dhe patëm shanset të mira, por u shpëtuan nga De Gea”.
“Ne jemi të trishtuar për veten dhe për fansat tanë. Por kemi 84 pikë dhe gol diferencë +30. Pas ndeshjes të martën ne do të përqendrohemi në fitimin e ligës”.
“Është hera e parë që kemi humbur dy ndeshje rresht, tani duhet të rikthemi dhe të shkojmë përpara përsëri”,-përfundoi trajneri spanjoll.
