Kryebashkiaku i Kamzës, Rakip Suli, pas marrjes në pyetje nga SPAK, ka deklaruar se është fat që erdhi kjo ditë, ku çdo person jep llogari para drejtësisë.
“Të lëmë drejtësinë të bëjë punën e vet, sepse po jep shpresë tek shqiptarët. Fati që erdhi sot kjo ditë, që çdo person vjen të japë llogari. Më lini të vazhdoj punën time në shërbim të qytetarëve. Sa herë do të duan do të vijnë”, tha Rakip Suli.
Suli dyshohet se u pyet për të dhënë versionin e tij mbi hetimet që po kryhen për dëmshpërblimet e tërmetit.
Kryebashkiaku i Kamzës Rakip Suli dhe i Rrogozhinës Edison Memolla dyshohen se kanë abuzuar me tenderat e pastrimit të qytetit, por edhe se kanë firmosur dëmshpërblime mbi dëmtimet e banesave nga tërmeti.
Kujtojmë se disa kryebashkiakë dhe ish-kryebashkiakë përfunduan të pandehur gjatë këtij viti sidomos për tenderat, si të denoncuar jo vetëm nga KLSH-ja por edhe të referuar nga prokuroritë e zakonshme që ja përcollën kompetencën SPAK./Opinion.al
