Kuvendi miratoi me 82 vota pro dy projektligjet që ndryshojnë 30 nene të ligjit “Për mediat audiovizive në Republikën e Shqipërisë” dhe 5 nene të ligjit “Për Komunikimet Elektronike”.
Në bazë të këtyre ndryshimeve, mediat, kryesisht ato online, do të funskionojnë tashmë nën rregulla të ndryshme dhe nën survejimin e AMA-s e cila ka kompetenca të zgjeruara.
82 deputetëve të mazhorancës që votuan pro nuk i është bashkuar ish-ministri i jashtëm, Ditmir Bushati.
Gjatë seancës së sotme ai shprehu rezerva ndaj ligjeve dhe abstenoi në votim.
“Po nxitohemi që po bëjmë një ligj të tillë, është në kundërshtim me KiE, që nuk e ka kërkuar këtë ligj”, ka thënë Bushati.
“Paketa anti-shpifje” u votua me 82 vota pro, 6 abstenime dhe 14 kundër. /Opinion.al
