Përmirësimi i kushteve atmosferike ka bërë që sot nxënësit dhe mësuesit në të gjithë vendin të kthehen në shkolla.
Pas një pezullimi për 3 ditë, nga data 24 deri më 26 janar, mësimi ka rifilluar këtë të enjte.
Ministrja e Arsimit, Evis Kushi, bëri me dije se orët e humbura do të zvendësohen, por ky vendim do të merret në një moment të dytë ku nuk përjashtohet mundësia që të zhvillohet mësim edhe ditëve të shtuna.
Shkollat u mbyllën për 3 ditë, me argumentin jo vetëm për temperaturat e ulëta dhe mungesën e ngrohjes në shkolla, por edhe për shkak të rrezikut që i kanosen fëmijëve nga shtëpia në shkollë dhe anasjelltas.
Temperaturat e ulët shkaktuan mjaft probleme në vend, që nga bllokimi i rrugëve e deri tek ngricat./Opinion.al
