Refugjatët të zonës rreth kampit të Dhiavata në Greqi, pothuajse janë evakuuar të gjithë.
Pas lajme vetë rreme për hapje kufijsh, refugjatë nga vende të ndryshme të botës kanë udhëtuar nga disa zona të Greqisë për në Dhiavata.
Prej tre ditësh pika kufitare Idomeni, me Maqedoninë e Veriut, kanë pasur një fluks të madh refugjatësh.
Po ashtu, teksa përpiqeshin të ktheheshin nga Athina, refugjatët kanë bllokuar për 24 orë stacionet e trenave dhe kanë blerë të gjitha biletat për Selanik.
Gjithsesi, refugjatët janë bindur më në fund nga policia greke se nuk do të hapen kufijtë dhe nga dje natën deri sot paradite 874 janë kthyer me autobusë në kampet ku strehoheshin më parë. Rreth 50 refugjatë të mbetur, janë larguar në pasdite.
Një numër i madh i tyre është strehuar në kampin e madh të refugjatëve në Kacika, Janinë, ku ndodhen rreth 1000 refugjatë të vendosur nga 7 veta në një kontejnerë 30 m, ndërsa kushtet janë tejet të vështira, mungojnë sendet bazë, sendet higjienike ndërsa bëhen vazhdimisht thirrje për vëmendjen e qeverisë greke si nga opozita ashtu dhe nga organizata jo-qeveritare./ Opinion.al E.Xh.
