Një 84-vjeçare britanike, Iris Jones, e cila disa muaj më parë u martua me 37-vjeçarin egjiptian Mohammed, ka shprehur së fundmi pendesën e saj për atë që ka bërë.
Iris Jones u martua me Mohamed Ibrahim, 37-vjeç, në qershor 2020, duke i siguruar kritikët, përfshirë familjen e saj, se lidhja e tyre do të zgjaste. Por tre muaj më parë u zbulua se ajo e kishte dëbuar atë nga shtëpia e saj dhe e zëvendësoi atë me macen e saj, Tibbs.
Në një postim në faqen e saj në Facebook, Iris, e cila dikur mburrej për “seksin e mrekullueshëm” që çifti kishte, tha:
“Dua t’ju tregoj të gjithë të vërtetën për marrëdhëniet mes Mohamedit dhe meje që nga dita që më takoi për herë të parë. Më 25 qershor 2019 mora një mesazh nga Mohamed dhe u bëmë miq përmes Messenger. Ai dukej si një djalë i mirë dhe që në fillim u detyrua të martohej dhe lindën katër fëmijë. Mesazhet tona për njëri-tjetrin vazhduan dhe unë fillova të kuptoja se ai po bëhej gjithnjë e më i dashur dhe më 10 korrik 2019 ai më propozoi për martesë”, tha 84-vjeçarja.
Iris pretendonte se burri i saj i kërkonte vazhdimisht para dhe e përdorte për të marrë një leje qëndrimi. Iris bëri kërkesë për divorc. Ajo thotë se, të dy djemtë e saj e kishin paralajmëruar për këtë.
Ndërkohë, mësohet se, i riu egjiptian është rebeluar shumë kur ka marrë vesh që gruaja e tij e moshuar kërkon të ndahet prej tij.
“Ne i shpenzonim paratë e mia gjatë gjithë kohës. Ai gjithmonë donte para nga unë. Kur nuk po i jepja më para, zënkat mes nesh u shtuan. Madje arriti deri aty sa nisi të më tregojë emrat e grave të tjera me të cilat ai dilte, ndërsa ishte i martuar me mua. Më kërkonte vazhdimisht që të ndryshoja testamentin dhe t’i lija paratë e mia. Ai më përdori për një leje qëndrimi dhe vizë. Ishte vendimi më i vështirë që kam marrë ndonjëherë dhe dashuria ime për Muhamedin ishte shumë reale, por unë ndoqa mendjen time në vend të zemrës sime”, u shpreh e moshuara./Opinion.al
