Gjykata ka caktuar masën “Arrest me burg” për 34-vjeçarin, Aranit Arapi, i akuzuar për veprën penale ‘kryerje e marrëdhënieve seksuale me te mitur.
Mësohet se trupi gjykues, i kryesuar nga gjyqtare Klodiana Kryeziu dhe prokurore Oliana Gjergjefi, duke ju referuar çështjes në fjalë dhe pas shqyrtimit të provave dhe dëshmive, ka vendosur caktimin e masës “arrest me burg” për 34-vjeçarin.
Prangosja e tij u bë në banesë pasi prej 10 muajsh ishte në një lidhje me një vajzë 14-vjeçare. E mitura që prej muajit Mars të vitit të shkuar jetonte me familjen e djalit, ndërsa këta të fundit kishin bërë edhe dasmë.
Sipas deklaratave të familjarëve të djalit, lidhja është kundërshtuar vazhdimisht nga prindërit e vajzës, të cilët e kanë denoncuar rastin në polici.
34-vjeçari është shoqëruar disa herë nga uniformat blu, por më pas është lënë i lirë gjatë kësaj periudhe. Pas denoncimit të radhës, Arapi u arrestua mbrëmjen e së mërkurës.
