Policia e Elbasanit ka arrestuar punonjësin e sigurisë së një subjekti privat. Arrestimi i 48-vjeçarit është për shkak se është larguar nga vendi i punës para përfundimit të orarit, teksa subjekti që kishte në ruajtje u grabit.
Sipas të dhënave, janë grabitur 10 telekamera të vendosura për sigurimin e objektit.
“Nga veprimet hetimore dyshohet se gjatë natës, në kohën që ky shtetas ishte në turnin e tij të punës si punonjës sigurie, në një firmë, janë vjedhur 10 telekamera të vendosura për sigurimin e objektit. Gjithashtu, sipas kallëzimit të punonjësit të turnit të radhës që ka konstatuar vjedhjen e telekamerave, 48-vjeçari është larguar nga vendi i punës para orarit të përfundimit të shërbimit”, thuhet në njoftimin e Policisë.
