Pasi u kurorëzua sot Mbret, në ngjarjen më të madhe ceremoniale të Britanisë së Madhe, lidetër botërorë kanë uruar Mbretin Charles III.
Presidenti i SHBA Joe Biden uroi Mbretin dhe Mbretëreshën, duke vënë në dukje “miqësinë e qëndrueshme” midis Mbretërisë së Bashkuar dhe Shteteve të Bashkuara në një postim në Twitter.
Presidenti i Këshillit Evropian Charles Michel shprehu “urimet e tij më të mira” për Mbretin Charles III dhe Mbretëreshën Camilla në një postim në Twitter, duke shtuar se këshilli vlerëson përkushtimin e Mbretit ndaj përpjekjeve mjedisore.
Ministri i Jashtëm irlandez, Micheál Martin uroi Mbretin dhe Mbretëreshën për Ditën e Kurorëzimit, “një ditë shumë e rëndësishme për shumë njerëz në këto ishuj”. “Ne do të vazhdojmë të punojmë në mbështetje të lidhjeve të miqësisë midis popujve tanë dhe lidhjeve të forta që ndajmë,” tha ai.
Kryeministrja italiane Giorgia Meloni shkroi në Twitter në italisht:
“Mozaiku i lashtë në Westminster Abbey, mbi të cilin sot u vendos froni për kurorëzimin e mbretit Charles III, u krijua me mjeshtëri nga mjeshtrit italianë rreth tetë shekuj më parë.”
“Sot është ende atje për të mahnitur botën dhe për të treguar historinë e bashkëpunimit historik dhe të frytshëm midis Italisë dhe Mbretërisë së Bashkuar, për të cilin jemi të sigurt se me Mbretin Charles III – i cili kujtoi edhe një herë dje se e do Italinë – do të të forcohet më tej, siç kemi filluar të bëjmë tashmë me kryeministrin Rishi Sunak”, tha ajo.
“Urimet e mia më të mira për Mbretin Charles III, Mbretëreshën Camilla dhe gjithë popullin britanik”, përfundoi ajo.
Presidenti i Zvicrës Alain Berset shprehu “urimet më të mira për një mbretërim të gjatë dhe të lumtur ” në një postim në Tëitter.
Ministrja e Jashtme franceze Catherine Colonna shkroi në Twitter: “Zoti ruaj Mbretin”.
