Elvana Gjata ka rreth dy vite që i ka munguar ekranit shqiptar sepse ka vijuar karrierën e saj muzikore përtej oqeanit.
Ajo është një nga këngëtaret më të njohura shqiptare dhe para pak ditësh festoi ditëlindjen. Por dhuratën më të mirë për ditëlindje ajo ua dhuroi 100 të ftuarve në një recital me këngën e albumit të saj të ri.
Sipas të ftuarve Elvana ka thënë diçka që duket se u ka bërë përshtypje të gjithëve, bëhet fjalë pikërisht për “U ktheva nga shpella ku isha izoluar”.
Gazetari Eni Shehu i ftuar në emisionin e Rudinës aludoi se një koment i tillë lidhet me ndarjen e Elvanës nga Threedots dhe kjo metaforë lidhet me ‘izolimin’ e saj brenda shtëpisë diskografike me të cilën ka bashkëpunuar prej 10 vitesh.
Por Rudina kishte një mendim krejt ndryshe duke e argumentuar me faktin se Elvana ka qenë e shkëputur nga jeta publike dhe “shpella” nënkupton mungesën e saj.
“Ishte rritur shumë, kishte ndryshuar, mënyra si komunikonte, mendimet që ndante. Ishte rritur si artiste dhe e reflektonte këtë gjë,” tregonte Rudina që po ashtu ishte prezente në koncert, si për të thënë që ky pushim i ka mirë këngëtares, për t’u rikthyer edhe më e pjekur para publikut./Opinion.al
