Përfundimi i ndeshjes, Tirana-Beshiktash, mbrëmjen e djeshme u shoqërua me dhunë dhe kaos, ku tifozët e dy ekipeve u përplasën me njëri-tjetrin në rrugët e kryeqytetit. Policia e Shtetit njofton se janë proceduar penalisht 14 shtetas, tifozë të dy ekipeve. Bëhet fjalë për:
T.K., 30 vjeç, H.A., 30 vjeç, Y.T., 26 vjeç, F.K., 25 vjeç, V.A., 25 vjeç, T. K., 25 vjeç, A.A., 34 vjeç, O.S., 25 vjeç, A. U., 27 vjeç, S.O., 28 vjeç, të gjithë banues në Turqi; C.K., 37 vjeç, banues në Gjermani; I.P., 22 vjeç, si dhe për dy shtetas të mitur 17 vjeç, të tre banues në Tiranë.
Gjatë konfliktit mes këtyre shtetasve, kanë mbetur të dëmtuar lehtë shtetasit T. A., 28 vjeç, dhe V. M., 47 vjeç.
Gjithashtu, gjatë konfliktit ndërmjet tyre, është dëmtuar 1 automjet i parkuar në parkingun e një hoteli.
Në cilësinë e provës materiale janë sekuestruar sende të forta të përdorura gjatë konfliktit dhe lëndë piroteknike./Opinion.al
