Dy të rinj janë konfliktuar me njëri-tjetrin në Lezhë, për motive të dobëta.
Sherri ka agravuar në përdorimin e sendeve të forta dhe si pasojë ka mbetur i dëmtuar rëndë njëri prej tyre.
Uniformat blu bëjnë me dije se i plagosuri është dërguar në spital ku po merr ndihmën mjekësore, ndërsa vijojnë kërkimet për autorin e plagosjes.
“Rreth orës 11:30, në qytet, shtetasi R. M. dyshohet se ka goditur me sende të forta shtetasin F. Gj., gjatë një konflikti ndërmjet tyre, për motive të dobëta. Shtetasi F. Gj. është dërguar në spital, për mjekim. Shërbimet e Policisë po kryejnë kontrolle në qytet, për kapjen e autorit të dyshuar”, njofton policia.
Grupi hetimor ndodhet në vendngjarje dhe po punon për sqarimin e rrethanave.
