Interpelanca e ministrin Lleshaj dhe deputetit Lefter Maliqi në seancën e sotme të Kuvendit ka vijuar edhe me akuza personale mes të dyve.
Ministri i Brendshëm solli në vëmendje faktin se deputeti Maliqi ka shërbyer në Rrëshen dhe i uroi që të mos i dalin “historitë e tij” atje pasi do t’i pengonin daljen në Kuvend. Sakaq Lleshaj e sfidoi Maliqin të tregojë pse u largua nga policia.
“Lexova në respekt të atyre që dëgjojnë, jo se kam harruar të flas, u mundova të shënoj ca the por e vështirë të kapësh një linjë se nuk ke, je aq kreativ sa nuk kapesh dot, nga makina te kanabisi te Rrësheni. Meqenëse ma përmende Rrëshenin e njeh mirë se ke shërbyer ca kohë të palavdishme aty. Uroj që historitë e Rrëshenit mos bëhen asnjë herë publik se do ju frenojnë daljen në këtë foltore nëse do dihen ashtu sic i di unë. Ju si ish punonjësi policisë ke një fat ke mundësinë të përfitosh një veting gratis, se ligji parashikon për ish punonjësit që të certifikohen për tu thënë shqiptarëve kush jemi, se the do flasim personalisht. Ju rekomandoj ta bëni për tu thënë shqiptarëve përse jeni larguar dy herë nga policia e shtet Sa i përket cështjeve të tjera do u them që shifrat e treguesit objektiv janë ato që na bëjnë të besueshëm. Se për të bërë fantazi këtu, shifrat i kemi prezantuar të shkruara për të qenë të verifikueshme se fjalët i merr era, ndaj e kam shkruar interpelancën për të qenë të kapshëm publikisht nesër e pasnesër, sfidoj me dokumente“, tha Lleshaj.
Deputeti Lefter Maliqi tregoi arsyet e largimit të tij nga policia dhe akuzoi ministrin Lleshaj se u dhënë vëllezërve 3 reparte ushtarake.
“Një me syze nuk e mposht dot atë që ka sytë si shqiponjë. Në Mirditë, po është e vërtetë që jam kërcënuar nga Agim Pepa dhe e kam arrestuar në bashkëpunim me forcat e policisë së Lezhës, Agim Pepa që vrau komisar Malushin, që bashkëpunonte me drejtues të policisë së sot është me burgim të përjetshëm. Jam larguar nga policia dy herë, pasi kam denoncuar një drejtor policie të lidhur me mafien dhe me krimin dhe u dënua 7 vjet, me kërkesën time. Jam larguar në 2005 sepse ju futa politikës me kërkesën time. Kur të duash, herën tjetër ti bie dy shkresat që kam ikur me kërkesën time. Nuk do të merrem me rezultatet po ju them zoti Ministër, jeni mirë, rrini urtë, ishalla ju mbajnë, ju ka prishur karrigia shumë. Nuk po merrem kur ke qenë komandant i regjimentit, u ke dhënë tre vëllezërve të tu tre ish-reparte ushtarake, i ke privatizuar në Marikaj, Vorë dhe depo uji në Kamëz, apo ndonjë shtëpi në Lalëz. Kur të duash Ministër, me ato që ke aty, ndonjë drejtues ta ka marrë në makinë peng ai Agim Pepa. Rri urtë se nuk je i zoti të drejtosh Rrëshenin, as Lezhën, as Ministrinë. Nuk të pyet drejtori i përgjithshëm, nuk të pyet sekretari i përgjithshëm, të kanë mbajtur një ministër kukull. Uroj të mos kesh fatin e Saimir Tahirit”, tha Maliqi. /Opinion.al
