Ditën e djeshme janë liruar katër personat e arrestuar më 24 shtator gjatë aksionit të Policisë së Kosovës, në fshatin Banjskë të komunës së Zveçanit,.
Përmes një njoftimi zyrtar, prokuroria e Kosovës tha se lirimi është bërë në mungesë të provave të paraqitura nga Policia e Kosovës.
“Ju njoftojmë se katër persona të cilët janë arrestuar gjatë aksionit të Policisë së Kosovës, në fshatin Banjskë të komunës së Zveçanit, larg nga vendi i ngjarjes, të njëjtit janë liruar dje (26 shtator 2023), nga Prokuroria Speciale e Republikës së Kosovës, në mungesë të provave të paraqitura nga Policia e Kosovës”, thuhet në njoftimin e Prokurorisë.
Kujtojmë se në sulmin e 24 shtatorit mbeti i vrarë punonjësi i Policisë së Kosovës, Afrim Bunjaku, si dhe janë plagosur dy të tjerë.
Pas këtij rasti policia ka ndërmarrë një operacion ku si rezultat kanë mbetur të vrarë 3 nga sulmuesit dy të tjerë janë plagosur./Opinion.al
