Dy vëllezër janë arrestuar nga policia e Fierit pasi u kapën duke vjedhur një biznes.
Në praga janë vënë vëllezërit A. M., 28 vjeç dhe B. M., 25 vjeç teksa po tentonin të thyenin derën e një biznesi. Policia sekuestroi një levë dhe kaçavidë, që po përdornin ata, për të thyer derën e biznesit.
“Policia e Fierit, gjatë patrullimeve mbrëmjen e djeshme, kanë konstatuar 2 shtetas që po tentonin të vidhnin me thyerje, në një biznes në lagjen “Apollonia”.
Si rezultat i ndërhyrjes së menjëhershme, janë kapur dhe vënë në pranga këta 2 shtetas, konkretisht Arteus Muhaj 28 vjeç dhe Besnik Muhaj 25 vjeç, vëllezër, të dy banues në Fier, si dhe janë sekuestruar në cilësinë e provës materiale, mjetet (levë dhe kaçavidë) që po përdornin ata, për të thyer derën e biznesit.
Vijojnë hetimet për të zbardhur vjedhje të tjera që mund të kenë kryer këta shtetas”, njofton policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme./Opinion.al
