Janë bërë publike fotot e dy të arrestuarve gjatë aksionit të antidrogës së Tiranës, Kujtim Ujka dhe Abdurrahman Rizvani.
Dy të rinjtë u kapën me drogë, në automjetet e tyre u gjetën 60kg kanabis sativa, e ndarë në 6 thasë.
Gjatë kontrollit të ushtruar në automjetin me drejtues 35-vjeçarin, në pjesën e pasme, shërbimet e Policisë kanë gjetur 6 thasë me kanabis.
Ndërkohë, 26-vjeçari drejtonte një automjet tjetër pasi kontrollonte rrugën dhe njoftonte 35-vjeçarin nëse kishte prezencë të forcave policore.
Mësohet se 1 kilogram i kanabisit do të shitej në vlerë 1200 Euro, që në total përkthehet në 72000 Euro.
